SUN焦點：代裝鬼馬App機頂盒盜看世盃
巴西世界盃正式開鑼，涉嫌非法收看足球賽事的個案亦大增。海關日前偵破侵權集團，涉嫌出售非法接收收費電視頻道的機頂盒。惟本報發現，不法商人為免再遭掃蕩而「一鋪清袋」，竟推出「鬼馬安裝」，不再存貨及出售機頂盒，反着客人自行購買普通機頂盒再加裝應用程式（App），收費九百九十八元及包首年任睇，提供多個有版權的本港及海外電視頻道，包括世界盃賽事等。法律界人士指，即使只是安裝應用程式，亦同樣違法。
深水埗鴨寮街有店舖以世界盃作招徠。
店主聲稱機頂盒經改裝後，能收看多個電視頻道，包括本地收費頻道。
梁秉雄
拒睇非法波
洪小姐：如果有賽事想睇又無免費直播，都會同朋友去商場睇，唔會用非法渠道睇。
余小姐：咁樣睇啲收費台係犯法行為，我一定唔會做！
本屆世界盃只有二十二場賽事免費播放，不少球迷為求睇足所有賽事，都各出奇謀，其中有不法商人就先申請相關收費電視頻道，把解碼器接收的影像，透過電腦上載至海外伺服器，再傳送予指定機頂盒，從中圖利。海關日前採取行動，搜查四個住宅、一個攤檔及貨倉，檢獲一批用作即時上載收費節目的電腦，以及四十一部電視機頂盒等器材，總值約十四萬元，並拘捕九名男女。
翌年須付費更新
在海關嚴打下，相關侵權行為似乎有所收斂，惟原來不法商人已即時「變陣」，只賣服務，不再賣機。記者於海關行動後，在深水埗鴨寮街發現有店舖以「2014世界盃，你準備好未？」作招徠，又聲稱客人能自攜任何機頂盒，到其店舖作「鬼馬安裝」，記者裝作有興趣查詢，店主即稱：「只要你拎個機頂盒嚟，我幫你裝個系統，包你場場波都睇到！」
他表示，只要攜同機頂盒及支付九百九十八元安裝費，即可首年任睇多個外地及本港收費頻道，但一年後，則需逐年再支付六百元年費，再以密碼卡將系統更新，才可「續約」，「值錢嘅係我個服務，呢個系統係台灣出嘅，入到去就可以睇晒咁多個電視台，咩電影、所有世界盃賽事都有齊。」店主隨即示範，點選進入播放世界盃球賽的頻道，畫面顯示為須收取月費的無綫體育台，「你見到呢個台（tvb體育台），大家都知咩事啦！我都有，另外有線、now嗰啲收費台都有，出面啲盒子邊有得比」，講解完畢，店員即時離開該台：「唔播咁耐，費事畀人見到啦！」
疑頻道「鎖匙」被破
記者查問能否直接購入已安裝系統的機頂盒，他的警覺性隨即提高，煞有介事道：「都有，一千九百八十蚊部，但之前有人（海關）掃咗其他檔，依家我哋都無現貨喺度，費事畀人冚咗損失慘重。」他見記者稍有猶豫，即推銷道：「個系統係要畀錢買個IP先用得，唔同出面嗰啲apps係人都入得，世界盃開賽到依家，我哋每日都賣唔超過十部，唔使擔心太多人令到佢慢咗，你要買就趁早，世界盃就嚟完。」
香港專業教育學院（屯門）資訊及通訊科技系系主任梁秉雄解釋，這類收看非法頻道的機頂盒其實是數碼接收器，除直接從收費頻道取出影像，不法商人亦有可能破解頻道「鎖匙」，再把訊號傳至指定數碼接收器，「以依家嘅技術，要寫呢啲系統同破解頻道『鎖匙』，絕對唔難，電視台要避免被盜看，可以喺開賽前先改個Code，咁就算要破解都唔夠時間。」
「雖然安裝程式比直接賣接收器，執法機構嘅舉證過程會更困難，但賣家同樣違法。」執業大律師陸偉雄指，數碼接收器會被視為電腦的一種，替別人安裝盜看應用程式，可被視為協助或教唆不誠實使用電腦，最高刑罰可被判監五年；律師江炳滔指，店主亦可被控以製作侵犯版權的有效科技措施，最高刑罰為監禁四年及罰款五十萬元。
海關發言人表示，任何人為任何業務的目的，提供有關服務使人能夠規避措施，均屬違法；又指市民如觀看從非法途徑取得的收費電視頻道，有機會負上民事責任。
