城中鏡：四年冇假放郭慶彬忙爆
形象設計師Ricky郭慶彬尋日出席一個鑽飾品牌嘅活動，佢話今次活動專為VIP客戶提供襯衫同形象設計意見，又話：「好多客人鍾意買嘢，佢哋對鑽石有一定嘅認識，不過唔識點去配搭，點樣日間都可以戴鑽飾戴得靚。」
郭慶彬希望明年新年能夠同家人及朋友去旅行。
工務繁忙嘅Ricky已經四年冇真正放假，佢希望明年新年能夠同家人朋友去旅行，又話：「我係金牛座，以工作行先，因為工作帶到滿足感畀我。」佢又話同好友丘凱敏再次合作主持某電視台節目，分享襯衫專業意見，仲話：「以前都出過一輯，有次行超級市場有位女士認得我，問我幾時再出第二輯，我亦好驚訝，好開心有支持者支持。」
