城中鏡：探望老友記蔡加讚送歡樂
「玩具大王」蔡志明嘅兒子蔡加讚早前身體力行，帶領一班義工去探訪筲箕灣東華三院方樹泉護理安老院，為該院嘅長者送上溫暖同歡樂。
蔡加讚早前身體力行探訪長者。
喺社工姑娘講解探訪技巧同要點後，一班義工就同四十多位長者進行咗「表情對對碰」、「對親家」等互動遊戲，為老友記送上好多歡樂。隨後，班義工又同老友記傾偈，問候佢哋嘅生活同健康等情況，並送上禮物包，內有棉質內衣、浴巾、食品等生活用品，以表心意。最後，佢哋仲同老友記合唱懷舊金曲，拍下即影即有照片送畀老友記留念。
活動有意義收穫大
蔡加讚話探訪長者嘅活動好有意義，而有參與嘅義工亦話今次活動收穫很大。一方面通過探訪長者，讓長者感受到關懷同溫暖；而通過同長者嘅互動，亦讓義工學會點樣與長者溝通同相處，學習點樣關愛他人，尊重身邊嘅長者。
