SUN搞作：SUN官場現形記：從小學起
大學生唔識用洗衣機而「夾親手」，被人形容為「全方位宅男宅女」，有大學需要辦體驗日令佢哋盡快適應大學生活，李衞就問吓教育局局長吳得掂擔唔擔心呢個問題會惡化。
李衞：「大學雞」連洗衣機都唔識用，點搞呀？
吳得掂：冇事嘅，學學吓咪識囉。
李衞：佢哋都十八歲啦，咁簡單嘅嘢都唔識……
吳得掂：凡事總有第一次，放心啦。
李衞：如果唔正視，我怕連其他起居生活嘅嘢都唔識。
吳得掂：唔使擔心，我已經做咗嘢。
李衞：吓？做咗嘢？
吳得掂：嚟緊啲「小學雞」都要跨境返學，日日都攀山涉水，有咩唔識都學到識啦，到時呢班大學生咪唔會再有呢個問題出現囉。
李衞：#@^##@%@!!!!!!
