市建局五年來首次錄得二十三億元赤字，主席蘇慶和仲死撐話係因為兩個項目收樓延誤，當時已有人質疑係項目太零碎，影響成本效益。點知轉頭市建局又公布土瓜灣新一期需求主導重建項目，已經係區內第九個項目嘞，畀區議員鬧爆市建局淨係發展牙籤樓，影響日後居住環境，倡整區重建令全區得益。咁蘇慶和就咪掛住止蝕，而罔顧市民利益喇！
