為了應付上莊開支，大學生除自己墊支和做兼職搵錢外，更有人向贊助商埋手，惟有一些贊助商會要求同學申請信用卡，甚至幫忙「跑數」，才能得到贊助。有學者指，大學生申請太多信用卡，長遠或影響個人信貸評級，隨時埋下欠債危機。

現時大學一些大型活動如迎新營，通常都能找到贊助商。一名不願透露姓名的學會幹事向記者透露，他們每「跑」到一張卡，便會得到數十元，「要視乎咩銀行，有啲細啲嘅行，每一張甚至有三百蚊。」

長遠或影響信貸評級

該幹事又指，贊助商多為一些市場或公關公司，在合作時會先要他們簽約，「佢哋要我哋簽保密協議，唔可以話畀人知我哋跑卡。」他指雖不同意「跑卡」的行為，但為了籌集資金，只好照做，「自己申請就一定啦，身邊朋友都會問吓，如果唔介意先叫佢哋申請，唔會逼嘅。」

對於大學生稱會為換取贊助，「跑數」招人申請信用卡，中大商學院高級講師李兆波指，為贊助申請信用卡雖然無即時影響，但長遠可能會影響個人的信貸評級，「申請太多信用卡，銀行會認為你實際還款能力低於你可能會欠下嘅債務，從而降低你嘅信貸評級，好多人都唔知會咁。」他又稱，年輕人消費上的定力往往較差，持卡太多潛在欠債危機。

第一手消息請下載on.cc東網iPhone/iPad/Android/Windows Phone Apps