城中鏡：忙辦武術講座 王嘉恩無暇外遊
專注發揚武術嘅中華國術（香港）總會會長王嘉恩，尋日出席慈善活動時話自己近期公務繁忙，好難抽空去旅行。忙乜嘢？佢話依家籌備緊武術講座同暑期課程，主要目標係八、九歲嘅小朋友，而嚟緊二十五日將會舉行第一場詠春講座，屆時會邀請名師到場分享心得同實習。
王嘉恩話呢排公務繁忙，冇時間去旅行。
其實，王嘉恩依家正學習緊詠春，而福建雙手刀亦已學咗幾個月嘞！嘩，真係想十八般武藝都學齊？問到講座同暑期課程係咪免費o架？佢話：「係自己嘅朋友，朋友又會帶朋友，會員會有折扣。遲啲我哋會有基金幫弱勢嘅人嚟學武術，要多謝傳媒幫我哋，宣傳正能量畀大家。」
