SUN搞作：少膽虫手記 ：萬惡世界盃

我有我唔鍾意啫，成間壹全霉自從開波之後，個個都好似球迷上身咁，連清潔阿姐都話要買巴西捧盃，你話足球幾邪惡呢。今日返到公司，又見到晚晚撈波汁嘅肥豪偷懶瞓覺，我當堂怒喝一聲：「睇波睇到朝早，返工就瞓覺，依家唔使做呀……哎吔！」正當我鬧人情緒高漲到爆之際，忽然屁股被足球省正，原來係淫賤黎喺背後偷襲，有冇搞錯！

「邊個話肥豪唔使做？正所謂生意淡薄，不如賭博，壹全霉蝕到入骨，唔賭點維持呀？你估真係靠賣廢紙呀？你咪阻住豪哥休息呀，瞓醒仲要度波纜o架！」淫賤黎呀淫賤黎，你帶頭不務正業，第時壹全霉摺埋慘死，仲怪得邊個？本虫作為腦腫，有啲咁嘅腦細，真係激Q死。