整鬼佢，呢座咁嘅壹全霉大樓，又霉又臭都算啦，今日仲要冷氣都冇埋，成班員工熱到出晒水，我擰轉頭一睇，淫賤黎仲伸埋條脷出嚟散熱，到底搞乜呀？

群眾壓力底下，我只好走去淫賤黎度問個究竟：「腦細，係咪中央冷氣壞咗？成班員工嗌晒救命喎！」

淫賤黎睥咗我一眼，輕輕講咗一句：「係我落柯打熄冷氣嘅。」吓？唔係啩？大熱天時攞命咩！

淫賤黎見我面露不滿，後面班細嘅又慶過火屎，竟然同我講呢啲：「壹全霉仲唔熄冷氣慳電費，遲早冷氣機都畀人拆埋！嗱，呢度有三條解暑良方，畀你同班細嘅參考吓，第一，諗吓你屋企個老公老婆，個心即刻涼半截啦！第二，諗吓自己每個月搵幾多，又涼多截啦！第三，諗吓自己本存摺，係咪即刻涼晒呢！」

呢個淫賤黎，求其喺網上搵啲冷笑話就想製冷，有冇搞Q錯？我話嘅！全體壹全霉員工，諗下你嗰個淫賤腦細幾cheap幾刻薄，真係心寒到入骨呀！

第一手消息請下載on.cc東網iPhone/iPad/Android/Windows Phone Apps