叫得旅遊作家，當然係會周圍飛啦！好似前晚咁，喺一套音樂劇活動中遇到旅遊作家項明生，即刻捉住佢，問佢遲啲又會去邊度旅遊？佢話：「去肯尼亞睇雀仔，同埋呢排巴西大熱，所以都會帶團去巴西。」項明生話曾經喺外國睇過同一套音樂劇，又話：「呢個騷好好睇，之前喺外國睇過，啱晒我呢啲老餅。」向為潮人嘅佢竟然自嘲老餅，認真少見。
