球迷蘭桂坊睇完波「直踩」上班
世盃氣氛熱辣辣，其中睇波熱點中環蘭桂坊酒吧，昨晚12時許已開始聚集人流，從事採購的球迷Raymond為支持巴西，與友人在已關門的店舖門外流連等睇揭幕戰，且打算睇波後「直踩」上班。
大埔超級城等11個商場昨舉行沙雕表演，藝術家Ted Siebert創作尼馬、比利等球星。新鴻基地產租務部總經理馮秀炎小姐（左二）及高海寧做嘉賓。
球迷Raymond（左）
尖沙咀冷清
除Raymond外，18歲的李小姐亦與女友人到蘭桂坊感受盛事氣氛，支持巴西隊之餘亦對力求衞冕的西班牙睇高一線。
至凌晨4時巴西對克羅地亞的揭幕戰鳴笛後，蘭桂坊一帶的酒吧氣氛漸轉熱鬧，相比之下，灣仔區酒吧及茶餐廳睇波顧客卻不多。九龍區方面，尖沙咀梳士巴利道昨晨3時左右，只得數間酒吧仍然營業，惟顧客人數不多，到球賽開始時，不少南亞裔人士駐足門外睇波，但卻無意欲入內「幫襯」。
