SUN搞作：打橫嚟講：畀你揀，你點揀？

有關今年四月份香港零售表現不濟，那個蘇收屎，借機話全港市民要求取消大陸蝗蟲「一簽多行」政策是無乜意思的，他的理據係香港呢個垃圾政府喺各口岸抽查咗四個星期，赫見九成七嘅訪港大陸人都係「一日一行」的，所以，得出嘅結論係「一簽多行」對調控內地客人數嘅作用不大喎！

話咗呢啲庸官無邏輯o架啦！照佢話依家啲大陸客九成七係「一日一行」，咪索性取消佢哋「一簽多行」囉！反正，對佢哋嚟講毫無影響，又可取悅香港人，咁嘅雙贏「德政」都唔拿拿臨攞嚟邀功，你哋話佢係咪廢柴吖？

仲有呀！電視台都有訪問呢啲所謂「一日一行」嘅大陸客，佢哋多數話一個月或兩三星期至來一次香港掃「生活用品」。喂！庸官，你知唔知廣東省（加深圳）有幾多人口呀？每人一個月（好似月經咁）嚟一次，每日都十幾二十萬呀！呢班人唔過夜，只拖住個篋通街碌香港人腳呀？實際經濟效益，點夠撳熄港人的怒火呀！

成班只顧錢財利益的市儈商家佬，口口聲聲話生意少咗，係因為有港人驅蝗行動，嚇親佢哋啲貴賓喎！但係少咗蝗蟲土豪南來消費，背後嘅原因，係大陸高調反貪呀！

加上香港土共日日吼叫「反佔中」、警察又演練、醫院又戒備、港交所同銀行亦風聲鶴唳，加上大陸傳媒日日數臭香港，將香港講到亂過泰國、越南咁得人驚！啲滿身「金氣」嘅「內地同胞」又怎會來冒險吖！人哋去法國或坐直升機上喜馬拉雅山攞威啦！

少了大陸客，香港多了祥和與安寧，你揀邊樣吖？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府