SUN搞作：SUN官場現形記：寧做讀書人
有本地出版商索版權費，如成功爭取的話，市民喺公共圖書館借本地出版嘅書一次，就要畀番約五蚊補貼費，變相每年涉三千萬公帑開支，由納稅人貼錢埋單，官員梗係驚市民接受唔到，於是落區了解吓市民嘅睇法。
官員：遲啲借本地書可能要畀錢……
市民：睇書都要畀錢？好彩我好少去圖書館啫。
官員：唔睇都要畀錢，其他市民有份睇，你都要幫手畀埋一份。
市民：咁即係撳住嚟搶？！
官員：唔係嘅，尊重揸筆搵食嘅人，版權費嘛！
市民：你哋唔好批咪得囉……
官員：最後通牒呀，如果唔批，出版商話禁止我哋買本地書擺圖書館，咁咪仲死。
市民：講到咁嚴重，我哋除咗屈服，仲可以點……
官員：你哋唔介意用公帑埋單就very骨。
市民：梗係啦，寧願畀公帑睇書做個讀書人，都唔想將啲錢出糧喺你班廢官身上，甚或喺啲無限超支嘅基建上面啦……
官員：^&*@#@%^&@!!!!!
