曾經被質疑冇官場經驗嘅申訴專員劉燕卿，上場冇耐又再主動出擊，指發現有公營房屋租戶同時佔用房屋署同房協嘅公營單位，要主動調查房署同房協嘅審查同監察機制，防止有人濫用資助。同時又話接獲投訴，批評民政總署濫發旅館牌照，對大廈居民造成危險同滋擾，指要主動審視政府嘅發牌規管情況。一次辣咁多火頭，都係想證明自己唔係無牙老虎，但咁多瓣嘢，顧唔顧得掂先？
