港鐵員工宿舍長期丟空被轟浪費土地資源，位於大埔滘的港鐵員工宿舍，多年前已停止員工申請，令空置率高逾五成，李衞梗係去搵港鐵高層查探一下。

李衞：你哋咁浪費土地，唔畀員工申請宿舍！

高層：唔係，係維修保養費貴，好難營運嘛。

李衞：少少錢對你哋咁大間公司嚟講算得係咩？

高層：你知啦，我哋事故頻頻，嗰度都要嘔番幾百萬出嚟，可以慳得嘅我哋都慳。

李衞：慳？定係你想將宿舍改建為豪宅，想賺多啲咋？

高層：有錢點會唔想賺，不過闖關失敗咗。

李衞：講到尾，你哋都係謀住塊地，多過想益班員工上樓啫！

高層：唔好咁講，我哋咁做都係用心良苦，希望員工自力更生，唔使靠我哋先上到樓！

李衞：講得咁好，咁你加佢哋多啲人工啦！

高層：#$^$#^%$&%$&@@@

第一手消息請下載on.cc東網iPhone/iPad/Android/Windows Phone Apps