用股票代替現金出糧其實好平常，但係facebook（fb）靈魂人物兼行政總裁朱克伯格等高層嘅薪酬就惹來不滿，有股東質疑該公司董事股份薪酬太多，上個禮拜五控告包括朱克伯格、營運總監桑德伯格在內嘅fb董事，批評董事嘅薪酬計劃過分慷慨，浪費公司資產，要求fb董事「回水」畀公司喎，今次朱仔點接招呢？

朱克伯格同fb一啲董事被指人工高，有股東控告，要求回水。

現行fb薪酬計劃容許董事自行決定薪酬，若選擇派股，個人同全體上限分別喺二百五十萬同二千五百萬股，按fb股價上禮拜五收市價六十二點五美元計算，即係每名董事每年最多可以袋走一點六億美元（約十二點二億港元）。根據有關起訴書，fb非僱員董事舊年平均薪酬多達四十六萬美元，比同業公司多百分之四十三。

第一手消息請下載on.cc東網iPhone/iPad/Android/Windows Phone Apps