政壇：北區區會利申擬三級制

區議員或增選委員申報利益「三級制」安排將會漸進式收緊，第一級係針對喺團體有不具實務職銜嘅人士，如名譽銜頭、顧問身份等，呢類人士只須喺討論撥款前申報利益，就可參與討論、決議及投票。第二級係針對喺團體具實務職位，如出任正、副主席、秘書等，須申報利益並於討論中保持緘默，而且不可參與該撥款申請決議或投票。

至於第三級就係最緊嘅一級，就係針對有人係活動嘅負責人或獲授權人士等，呢類人必須申報利益並於討論該項撥款申請時避席，沒有投票權。由於建制派議員於北區區議會係大戶，相信呢個申報利益「三級制」，好大機會獲得通過並落實執行。據理解，其餘區議會將會陸續收緊利益申報制度，避免審批撥款時再出現不必要爭拗。