SUN搞作：打橫嚟講：極度支持大陸雙非家長告吳得掂
有朋友問，作為一個出色的時事評論人，要有何本領？
哦！簡單之至，就係「是其是，非其非」、「以公義為先，正理最大」。話之佢係上帝定係教主，唔啱嘅，照炳可也！
無私無畏即自由。
嗱！雖然香港垃圾政府庸官中之「廢中廢」，那個教育局局長吳得掂好乞我憎，但今劑「小一統一派位」的「跨境學童專用校網」又做得幾好，以港人優先，抵讚！
正正係無傾側益啲大陸居住的雙非學童，立即引來大陸雙非家長之極度不滿，並高呼「大揸嘟鞋康講人嘛，助嘜遲事喎哋？」聽佢嘅口音，我估佢想話「大家都係香港人嘛！做乜歧視我哋？」喂！你哋真蠢，明明係個偉大嘅強國人唔做，而硬要自矮一截，做個無強國人照住就生存唔到嘅小特區弱者？你哋好應該以標準深圳普通話講強國蝗語，話「香港人無資格歧視大陸人」嘛！你哋係中國人，在「一國兩制」下，你哋至強，香港算得係乜呀？咁講至似樣嘛！
嗱！好似早一輪，香港人提出取消大陸人「一簽多行」，大陸土豪立刻說：「好吖！你香港唔歡迎我哋嚟買嘢，我哋咪唔嚟香港囉！我哋去法國買、去歐洲買，我哋有錢，會驚買唔到嘢咩？」
對呀！你哋啲子女嚟唔到香港讀書，咪去法國、歐洲讀囉！你哋有錢，驚入唔到哈佛咩？
班大陸家長仲惡到話要告吳得掂喎！無乜出奇吖？加拿大收緊移民政策，唔歡迎大陸蝗蟲，佢哋都去告人家政府啦！何況一個小特區嘅小小教育局長呢？
雖然文首讚過吳得掂，但我又支持大陸雙非家長告佢呀！嗱！在此做中立、持平、理性嘅評論員，係會黐線o架！真係人都癲！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
