城中鏡:首個父親節 啟剛盼驚喜
「跳水公主」郭晶晶前日現身北京出席活動,舊年誕下一子嘅佢經已完全修身,穿上一襲斜肩紅色晚裝亮相,笑容滿面嘅樣子,甫出場即惹來圍觀人士起哄,亮相短短十分鐘便離開。
郭晶晶現身北京活動,以Fit爆身材亮相。
霍啟剛坦言好期待首個父親節會有驚喜。
另邊廂,晶晶嘅老公霍啟剛尋日在港出席電台活動,佢話同晶晶已開始教囝囝游水,指囝囝尚未滿一歲,笑言唔會太快教囝囝跳水,但讚囝囝好有運動天分。今年將首次以爸爸身份過父親節嘅啟剛,坦言好期待,又話:「嗰日啱啱喺大陸返港,感覺幾特別,始終係首個父親節。」
被問及晶晶係咪會準備驚喜畀你?佢話:「我都希望,母親節我都有畀驚喜佢。應該會叫埋爸爸幾代同堂一齊食飯。」