周日大整蠱歎茶變撲水

居住青衣的黃先生，昨晨在住處附近東亞分行櫃員機提款不果，乾脆出荃灣，擬再於東亞分行提款，惟抵埗後始見櫃員機亦是「跪低」暫停服務，感到非常勞氣，「如果仲未整番好，點解東亞唔透過傳媒早啲通知市民，等我哋唔使咁頻撲！」

另一名市民李太表示，昨晨往東亞的櫃員機擬提款飲茶和買餸，惟抵埗後始知暫停服務，白行一趟，「星期日銀行唔開門，市民要攞錢就要靠櫃員機，壞咗機真係好唔方便，好彩我銀包仲有幾百蚊，如果唔係連買餸都唔夠。」

住在屯門的黎先生表示，昨晨約十一時手持東亞發出的提款卡，在屯門市中心的中資銀行提款不果後，遂走到東亞位於雅都花園的分行，詎料一樣未能成功攞錢，他嘆謂：「唉！頻頻撲撲最後都係攞唔到錢，真係無晒辦法。」

倘證疏忽可民事索償

執業大律師陸偉雄表示，銀行有責任提供服務，不應該中止服務。倘若事故是銀行疏忽所引致，受影響客戶可循民事索償。

陸偉雄舉例，銀行在定期維修及更新機件上倘若出現疏忽，導致機件故障；或是保安系統未有有效的防禦措施及後備方案應對黑客入侵，而令銀行全線癱瘓，皆屬於銀行疏忽。陸建議，市民毋須急於索償，可待銀行提交事故原因報告，確認它有疏忽後，始提出索償，以免浪費時間心血及律師等費用。