話說立法會議會聯絡小組委員會正籌備緊今年暑假、暫定八月組團去北歐芬蘭、挪威、丹麥三國外訪八日,預計每位成員開支為三萬四千多元至五萬七千多元,雖然獲全費資助嘅名額已較過往增多一個至九人,但一眾議員似乎仍覺得啲「餅仔」唔夠分。

設計圖片及對白

根據過往做法,秘書處會根據議員所屬黨派或政團將全體議員分組,並按比例將全費資助名額分配畀各個組別。議員劉慧卿同Cyd何秀蘭因為係委員會嘅主席同副主席,所以佢哋會係兩人一組並只獲分配一個全費資助名額,換言之如果兩人都要去外訪的話,而其中一人又唔想自費外訪,就會調回所屬政黨嘅組別,透過協調或抽籤決定。

不過,唔知係咪因為今次外訪嘅目的地太吸引、太值得大家去「觀摩」,結果搞到爭崩頭,泛民仲別出心裁咁諗出大家攤分外訪津貼嘅辦法。聞說卿姐同阿Cyd都有興趣去外訪,所以佢哋就決定兩個人齊齊去,再一齊攤分一個全費資助名額,咁樣就變咗一人出一半錢。泛民就建議,不如將呢個做法延伸到其他組別,咁樣就可以畀多啲人參加代表團咁話。其實獲全費資助嘅議員想益黨友,自己私底下畀番錢啲黨友咪得囉,何必要個制度破例去就大家呢?

第一手消息請下載on.cc東網iPhone/iPad/Android/Windows Phone Apps