喺二十一世紀無部智能手機就生存唔到？咁嘅諗法真係大錯特錯，皆因「債券大王」格羅斯手機都無部。債王仲教訓年輕人話：「人應該要活在當下，而唔係依賴科技產品去紀錄生活。」

格羅斯喺最新一份市場展望報告裏面，自爆無用手提電話，從來都唔玩snapchat、angrybird，仲好感慨咁話呢個年代虛擬世界重要過現實生活，睇親演唱會同球賽，身邊嘅人影相仲多過親眼睇，令債王覺得好無奈喎。

不過，佢坦承有時都會因為追唔上科技而唔開心。真正令佢頭痕嘅應該係佢旗下PIMCO，總回報基金連續十三個月錄得走資，資產仲按年縮水咗六百四十億美元，得番二千二百九十億美元，無部手機隨時跟進市況可能真係有啲影響。

第一手消息請下載on.cc東網iPhone/iPad/Android/Windows Phone Apps