大埔區議員嘅「肥根」黃容根自前年卸任立法會漁農界立法會議員後,市民可能少咗見佢公開鬧爆泛民主派,但其實肥根依然好猛火氣,繼續透過地區渠道「教育」市民。有人近日發現肥根喺所屬選區掛咗一條好似恐嚇信咁嘅宣傳橫額,除咗以黑底紅、白大字標題「違法抗爭」外,仲模仿恐嚇信或勒索信咁用報紙、雜誌剪紙拼貼出「留有案底,前途盡毀」八個大字,似乎想靠嚇反抗爭咁喎。雖然肥根冇講明「違法抗爭」係咪指「佔中」,但抗爭嘅定義涵蓋甚廣,做法比起其他建制派齋反佔中有深度得多。

第一手消息請下載on.cc東網iPhone/iPad/Android/Windows Phone Apps