城中鏡：趙哲妤電視開騷 教揀鑽石王老五
新民黨嘅靚女黨員Uny趙哲妤同「蘭子」陳淑蘭為某電視台主持節目將喺月中播出，打頭炮嘅係Uny同蘭子及一眾名人模特兒分享點樣挑選鑽石王老五，教識點樣分辨「爛筍盤」，當中邀請咗陳靜儀、Mandy Lieu、唐貝詩同陳嘉容分享經歷。
趙哲妤（左起）、唐貝詩同陳淑蘭會喺節目中教觀眾揀番個鑽石王老五。
Uny話：「我哋邀請嘅嘉賓多數都試過被有錢富二代追，我同唐貝詩本身係朋友，佢上嚟大談被追經歷，但係都係唔好嘅富二代，追完佢，再追阿妹。我自己都遇過唔少爛筍盤，有時有錢都未必係好人。」
