城中鏡：馬雲 許家印合作搞球會？
唔好以為搞科網嘅，就會摒棄迷信習俗。馬雲旗下嘅阿里巴巴，美國上市已埋牙，傳聞話揀咗八月八號掛牌，股票代號係BABA做，真係「發發」聲。
許家印（圖）今日會同馬雲喺廣州搞記者會，唔通佢哋合作搞球會？（資料圖片）
馬雲
阿里嘅發言人拒絕回應呢啲八卦傳聞，但有人話馬雲同蔡崇信其實都好迷信，相信八月八號有兩個「發」，係上市嘅吉日。不過，萬一到時市況不利，阿里亦都有機會將上市時間延遲到九月份，證明佢哋對自己都好有信心。其實阿里獨愛八字亦有迹可尋，當年佢喺香港上市時，股份代號都係1688。
迷信嘅又點止馬雲，早過阿里去美國上市嘅京東商城，據聞申請過程中，涉及嘅多個重要步驟，都係揀過時辰。
講開馬雲，佢瓣數多多，今日佢同恒大董事長許家印會喺廣州搞記者會，內地媒體爆料，話兩人會合作搞足球，恒大旗下有恒大足球會，馬雲染指咗綠城足球會，莫非兩個球會有合作？
