某高官愈來愈有特首風範，因佢反口覆舌講偽語時，眼都唔眨一眼，確實青出於藍。若佢肯反口出戰一七年特首戰（佢曾誓神劈願話唔選特首的），肯定係個超強的對手。

日前，該高官喺愛國名校培僑書院畢業禮致辭時，以「惡魔」（Demons）來形容立法會拉布的議員們，並說特區政府官員對拉布行為「深惡痛絕」。事後，她指用「魔鬼」一詞，只是想「幽默啲」好喎！哈哈！好好笑呀！你都幾幽默囉！大嬸！

至於「深惡痛絕」，力寡勢弱的議員打拉布戰，是無可奈何的戰略，讓全民可看到政府漠視民意的霸道，亦揚起保皇黨卑賤的下流相而已！咁都算「深惡痛絕」？咁有無反思吓由你領導下的政府點解會做得咁乞人憎，日日受全民唾罵的呢？

講到「深惡痛絕」，唔該叱喝吓你豢養的一群禽畜啦！

前日，六四大遊行途中，有幾隻異稟喺灣仔修頓球場擺「六四真相」街檔，喧叫當年天安門廣場內無死人，這特意尋釁滋事的賤行，何以肆無憚地亂吠呢？因有警方派重兵「保護」他們表達意見的自由也！現場所見，沒有一個遊行人士不X交叉Y呢班賤狗十八代，但原來無恥果然係最無敵的，因途人喝罵賤狗時，賤狗的頭領竟反叫：「你哋唔好侮辱啲狗呀！狗係最忠心o架！我可以告你哋歧視啲狗o架！」大佬！叫有血性的人如何回應呢？除了粗口外，我再聽不到其他更有意義的聲音矣！

失語的年代，卑鄙是卑鄙者的通行證。

一個社會的沉淪，不是太多裝睡的沉默者，就是太多瘋癲冷血的鄙語，令人頭暈而麻木，連幽默也被利用作遮醜布！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps