「魔鏡魔鏡，究竟係咪我最靚？」女神Crazy輕托下巴，苦惱非常，「點解我望落去會咁老、咁攰同咁肥？」Crazy看看背影，為了「追擊八月十五」，奉行節食主義，晚餐僅吃蔬果，可惜鏡中女子仍令她倍感厭惡。

「最靚當然唔係你！」陌生聲音嚇了嚇Crazy，「你係邊個，唔通係跟蹤狂？」陌生聲音竊笑，「我係你口中嘅魔鏡！」Crazy恍然大悟，「我唔係最靚，咁邊個係？」魔鏡笑聲更響，「當然係白雪公主啦！」

Crazy不忿，翹腳坐下，頤指氣使，十足後母王后，更一掌打在魔鏡上，「我唔理，我要你即刻變到我最靚！」魔鏡礙於「王后」淫威，裝作服從。「咁我要女神頭、金魚眼、彎月眉、翹鼻……」一陣煙霧，Crazy張開眼睛，她卻大吃一驚，「點解我會變成檸檬頭、蝠鼠眼、八字眉、秤鈎鼻……呢個咪係貪曾，我唔要做過街老鼠呀！我寧願做番自己！」

又是一陣煙霧。

Crazy再次睜眼，望望鏡子，自己仍是自己，原來一切都是夢。

女士們，你們又夢醒了嗎？

第一手消息請下載on.cc東網iPhone/iPad/Android/Windows Phone Apps