SUN搞作：SUN官場現形記：「愚公」移山
舊年樓宇消防設備損壞失修個案有近三萬宗，但「燒房處」竟然只增加翻閹四人應對，咁猶如置市民安全不顧，李衞即刻搵處長錯鑫傾傾。
李衞︰發生咗咁多次火災，你哋都唔吸取教訓？
錯鑫︰當然有，我哋咪增聘咗人手囉！
李衞︰有吸取教訓？！我話你哋唔瞓覺都搞唔掂！加得嗰四個人點應付得晒？
錯鑫︰只要有恒心，鐵杵磨成針，唔通你無聽過移山故事咩？
李衞︰當然有……
錯鑫︰咁咪得囉！畀啲信心我哋！
（李衞一拳打向錯鑫）
李衞︰你個死「愚公」，依家講緊人命關天，你仲慢慢嚟？真係唔打唔得！
錯鑫︰@#$%^^Y&U
