政壇：夏千福搞食糉會做騷

端午節係中國人節日，但「小八國聯軍」之一嘅美國駐港總領事夏千福（Clifford A. Hart）都唔錯過呢個做騷好時機，同領事館一班同事舉行咗一個食糉大會慶祝端午節，之後仲上載咗一幅相到社交網站，相中見佢同一名同事整理緊枱上十多隻糉，有網民就驚佢食滯，叫佢飲普洱茶消滯添！話時話，尋日好彩有港府官員醒覺落區出席龍舟賽事，否則夏千福就唔係「柄」埋領事館食糉做騷咁簡單，話唔定取代啲港府官員落區頒發龍舟賽獎項都唔定呀！