尋日端午節嘅最高氣溫高達攝氏三十三度，但仍無阻市民大眾觀賞龍舟賽事嘅興致。家住赤柱嘅觀塘區議會主席Bunny陳振彬，尋日就一早喺嗰度游龍舟水應節兼解暑！

陳振彬習慣每朝游早水，尋日端午節都唔例外。

Bunny喺赤柱住咗十五、六年咁耐，講起當年剛剛搬入赤柱時，覺得四周環境非常靚，如果住喺度唔游水真係嘥晒喎，所以佢就的起心肝培養游早水嘅習慣。點知一游就上咗癮，從此風雨不改，堅持每朝八點前去游半個鐘頭早水，之後再去赤柱歎杯醒神咖啡先返工。

佢話以前好少做運動，每日返工去到下午三、四點就會開始覺得好疲倦，但自從養成咗呢個做運動習慣之後，個人就精神好多，返足全日工都唔會瞌眼瞓咁話。

第一手消息請下載on.cc東網iPhone/iPad/Android/Windows Phone Apps