香港的叻人精英死晒去邊呢？點解，依家望見特區廢柴政府所用的，唔係垃圾，就係庸才同大話精，再咁落去，香港唔死，都唔慌命長！

羅范椒芬婦人十九個月前，日日信誓旦旦話唔會（替香港特區）做官嘅！佢嘅說話，曾令香港人樂了兩個月。羅婦有口齒，真係無入特區廢柴政府裏做個小官吏，只「被委任」咗做行政會議成員，替一男子出謀獻策，繼續出公帑糧啫！

大前日，特區廢柴政府宣布，又委任羅范多一新職，就係「科學園主席」。為何要「加官」「晉爵」呢？只有上帝至知囉！

既然做得「科學園主席」，唔多唔少總有點科學常識啩！話時話，我自小就有很多科學性問題，硬係找不到答案的，吖！不如趁依家問問呢位「科學園主席」都好喎！喂！係呢！請問：點解電係有分正負兩極嘅！又問，電如何分正負的呢？

哼！電分正負，可能太學術化，同生活無乜關係，倒不如問條淺啲嘅：當個電視機無咗訊號時，點解又會有雪花嘅？但有時個畫面又會係藍色個喎！何解何解？吖！仲會係黑鬼晒嘅添噃！

吓！羅范大姐主要係主理「生物科技」嘅！咁就啱啦！有條生物嘅問題想問好耐：點解屙尿會有泡的呢？又點解啲壞咗腦加樣衰嘅狗最鍾意隨口噏嘅？

家陣，畀錢入讀幼稚園都要考試；做教師又要考萬九個試，點解入特區垃圾政府做啲影響社會政策和福祉嘅工作，又可以無「專門知識」嘅？

最後一條「生物科學問題」：點解啲涼粉係黑色嘅？唔識答者，請屙篤尿照吓便知囉！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps