因為「長毛」梁國雄等立法會議員拉布影響，財政預算案嘅撥款條例草案始終無法喺上月底通過，財爺鬍鬚曾尋日就繼續透過網誌呼籲議員盡最後努力緊守崗位，盡早完成審議草案，減少對公共服務嘅影響。其實鬍鬚曾過去已多次批評拉布議員，但始終徒勞無功。

鬍鬚曾尋日喺網誌呼籲議員緊守崗位，盡早完成審議預算案撥款條例草案。（資料圖片）

不過，鬍鬚曾佢有佢鬧，但立法會主席曾鈺成尋日竟然喺電台節目大讚拉布議員有專業精神，即使佢哋自知已經達唔到目的，但仍然準備好發言內容，並喺會上不斷站立動議大量修訂喎！唔知鬍鬚曾聽到曾主席呢番說話後，會唔會激親呢？

第一手消息請下載on.cc東網iPhone/iPad/Android/Windows Phone Apps