擔任法國五月節董事會主席嘅阮偉文，揚言整個五月都忙到不可開交，前日更連走多場，晚上再現身跑馬地馬場出席法國賽馬日活動，問到佢下個月父親節點度過時，佢笑言：「過埋五月先講，未諗咁遠。」

阮偉文話對賽馬冇認識，每次去馬場，只會視為社交活動。

佢話對賽馬冇認識，每次去到馬場，只會視為社交活動之一，仲直言唔鍾意同賭馬嘅朋友入場，原因係朋友會忙於研究馬經而唔理佢喎。

育有一名十二歲兒子嘅佢，話兒子亦愛藝術，尤其愛畫畫。咁會唔會栽培兒子成為藝術家？佢話：「佢都鍾意畫畫，我會帶佢睇多啲外國博物館，等佢吸收唔同藝術家作品。不過，以前好多藝術家都係窮光蛋，畫幅畫換餐飯，依家當代藝術家好後生已經好有價值。」

第一手消息請下載on.cc東網iPhone/iPad/Android/Windows Phone Apps