揀禮物送畀人係一件苦差，若果自己DIY親手做嘅又點呢？呢份心意真係買都買唔到，相信好多人收到親人或朋友DIY嘅禮物，必定開心到飛起。話說前港姐楊婉儀同老公前晚一齊出席活動，楊婉儀就透露父親節仔女都會親手做禮物送畀爸爸，今年囡囡就織冷頸巾，佢仲笑言老公一定感到好溫暖。
楊婉儀踢爆囡囡織頸巾送給老公做父親節禮物。
眾所周知，楊婉儀投入教育界，仲籌辦緊開幼稚園，佢透露幼稚園九月開學嘞，而自己會出任校監，到時仲會邀請身在美國嘅家人返港做見證。
