危險路牌在欠缺維修及跟進下，隨時遍布全港。有學者指，路牌重量驚人，若破爛路牌隨處可見，令行人步步驚心，擔心雨季來臨，問題路牌隨時塌下，建議路政署加建石屎壆鞏固路牌底部。

大型路牌成噸重

「大型路牌差唔多有成一噸重量，單柱式嘅道路指示牌亦有二百磅，跌落嚟真係會扑死人！」香港專業教育學院（青衣）建造工程系系主任陳子明檢視有關問題路牌的照片後指，元朗及黃大仙的路牌柱腳已嚴重破爛，需即時緊急維修，「估計至少有一年時間冇人去維修或者跟進過。」陳又指若貨車撞到柱腳，後果不敢想像，「（路政署）應該用啲更防銹嘅物料，或加上石屎壆鞏固底部。」

陳亦指，現值雨季，路牌在雨水的浸蝕下，柱腳容易浸至生銹，「如果路牌柱腳本身已經係爛咗，水浸一到，又唔及時維修，隨時會冧落嚟；就算依家無爛到，被雨水浸完一個夏季都會爛，路政署應該密啲去檢查。」

第一手消息請下載on.cc東網iPhone/iPad/Android/Windows Phone Apps