珠寶設計師張王幼倫前晚以慈善基金創立人兼主席身份出席鋼琴演奏晚宴，佢話經常有平台畀年輕人表演同增強自信心，問到佢嘅仔女有冇學習樂器，佢話：「囡囡學過少少鋼琴，都唔敢認，佢係鍾意欣賞，但就冇乜天分。囡囡係咪似媽咪鍾意設計？佢話：「囡囡都係玩玩吓，畀囡囡探索吓自己鍾意乜嘢，第時唔好賴佢就得嘞！（孖女）大孖鍾意Marketing，鍾意luxury brand，佢喺法國讀緊Marketing嘅Master，仲有兩年，有份喺國際品牌旗艦店做暑期工；細孖就鍾意教書。大仔做律師，佢喺英國掛牌，不過香港分公司請佢返嚟做，我非常之開心，可以多啲見到佢，一定會帶佢出嚟。」

張王幼倫（左）同老公張力正及囡囡張詠賢出席鋼琴演奏晚宴。

佢老公張力正同細孖張詠賢當晚都有到場支持，佢坦言希望下一代可以參與多啲慈善基金嘅事務，提升佢哋嘅興趣，唔係只係會去Party。

第一手消息請下載on.cc東網iPhone/iPad/Android/Windows Phone Apps