全球立立亂，處處烽煙四起，即使唔打第三次世界大戰，也差無幾，人們已活於戰亂的恐慌中。

世界大戰打唔打得成，乃國際政治衝突，關乎經濟利益、宗教爭執及野心擴張等等「高層次」矛盾問題，但區區一個小特區的香港大混亂，乃係一群垃圾廢柴政府庸官的人禍所致。

嗱！嗱嗱！

淨係睇高鐵延誤而引發的醜聞，一鑊臭過一鑊，明明早成年前已知無法準期完工，竟敢像小學雞水平的賴地硬賴水浸；運房局局長張炳良扮驚訝同時，被踢爆曾與高鐵「有商有量」打龍通，你話幾樣衰吖！

咁都未算核突反智，香港廢柴政府話要「升格」追查，最終委任夏正民法官率領兩名英美工程專家去「看個究竟」。

這三人小組全是「英文人」，而非講「匪語」的「蝗國人」，你以為是水準問題？當然啦！起碼有高度說服力吧！其實，就係利用此點強而有力的專業形象做Cover（掩護），來一場白鼻哥大龍鳳，因為：一、不查董事局有無失職，及不追究疏忽責任；二、無權傳召承建商及翻閱合約文件；三、不追究涉事任何人的責任。花一大筆「調查費」，個報告拖兩三年出，咁咪叫做有效管治囉！

既然，香港政府最高層出招「搵鬼佬」成立「獨立專家小組」去「看個究竟」了，咁！港鐵董事局委員會班壯男應否解散呢？定係繼續企定定畀英明的特區最高層摑完左臉一巴掌後，再打埋右邊耳光呢？

一片混亂！吖！應係一片內亂呀！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東網iPhone/iPad/Android/Windows Phone Apps