前晚喺一個慈善鋼琴晚宴見到立法會前議員霍震霆，問起鍾唔鍾意聽鋼琴？佢就話近期好多知名人士嚟咗香港，以前就話文化沙漠，依家世界嘅藝術都喺呢度。

霍震霆（右）話孫仔有體育天分，郁動好多。左為李桂蘭。

咁蹺見到霍震霆，當然要捉住問吓佢個孫、即啟剛同晶晶個寶貝仔嘅嘢啦！一提起個孫仔，做爺爺嘅佢就笑晒咁，問佢會唔會想孫仔學鋼琴，佢即刻話：「仲未一歲喎，每次見佢都幾有體育天分，郁動好多，抱佢好難，佢活動好多，好有動力，點發展係下一步，睇吓點？呢啲交畀佢爹哋、媽咪。」

第一手消息請下載on.cc東網iPhone/iPad/Android/Windows Phone Apps