【本報訊】「啱啱同女友散咗，見佢肯出嚟陪吓行街，自己冇負擔又有閒錢，咁咪約佢出嚟……」一心想見「女神」的姓黃青年，滿心歡喜付出了六千多元以為可以一親芳澤，豈料受騙，好夢成空。他坦言：「好唔抵！賴過一次嘢就算。」他為協助警方破案，事後鍥而不捨聯絡她facebook上的朋友，以追查女騙徒身份將她「起底」，再將資料交予警方處理，希望警方盡快破案。
月薪約一萬五千元的黃，坦言因失戀而「寂寞難耐」，故心急識女仔，他說：「見佢主動約出街，以前從未試過，咁咪試吓啦……估唔到佢原來係騙徒。」被問及他購買七百九十元遊戲點數後對方未有現身，為何會再買五千元點數，黃則輕描淡寫稱：「既然我已經買咗一張，梗係想佢露面啦，加上我又有閒錢，又冇負擔，咪信佢囉。」對方事後一騙再騙，慶幸他及時醒覺，沒有再「落疊」。
根據警方資料，一二年至一三年五月共有二十二宗同類騙案。警方港島總區防止罪案辦公室主任陸海豪指，市民應謹記網上虛擬世界中，任何事物都可以是假的，若涉及金錢交易更要提高警覺。
第一手消息請下載on.cc東網
