房署○五年起，豪花二百萬元買咗十四部電動垃圾拖拉車，協助運送垃圾，點知事與願違，使用率極低甚至棄用，「長眠」垃圾房，房署變相做大嘥鬼，李衞就問吓房署高官點搞至好喇。

李衞：用成二百萬買啲垃圾返嚟，都唔知用咗幾多次，點搞o架？

官員：凡事唔可以睇表面得咁簡單……

李衞：大大話話冇用咁多年，仲賴死唔認數？

官員：停止再入貨啦，不過你冇聽過「養兵千日，用在一時」咩？

李衞：有就有，之但係你班清潔工都冇考相關車牌，到頭來咪又係冇用。

官員：呢啲嘢冇人知，唔可以咁快下判斷……

李衞：仲死撐？我哋班市民就真係「養官千日，用在哪時」－－公帑養肥你班人，但毫無建樹就真！

官員：**&&@#!@#!!!!

第一手消息請下載on.cc東網iPhone/iPad/Android/Windows Phone Apps