鑑於本港三個堆填區將於數年內相繼飽和，廢物管理成為大家關注嘅議題，但搞環保實在困難重重，就連慈善團體都有同感。仁愛堂副主席Louisa羅台秦喺新一屆董事局就職後，負責環保範疇，重點係推行塑膠回收工作。不過，佢慨嘆在香港搞環保吃力不討好，因為呢門係長期蝕錢嘅工作，加上成效慢及滿足感低，冇乜人願意捐錢畀慈善團體推行環保工作。

羅台秦

Louisa坦言，善長捐錢去搞教育或老人服務，馬上就會有人感激你，但做改善環境嘅嘢，個環境就唔會多謝你喇！仁愛堂目前有個環保園塑膠資源再生中心，集中回收本地廢膠嘅機構，但佢話好多時單係回收廢膠嘅運費，就已經比再生嘅塑膠原材料價值貴好多。所以佢話回收工作好需要大家支持同合作先可以做到，如果大眾喺呢方面嘅意識提高，有助大大減輕堆填區負荷。

第一手消息請下載on.cc東網iPhone/iPad/Android/Windows Phone Apps