政壇：陳家珮赴台圖息海怡風波

Judy尋日喺社交網站公布已抵達台灣，表達居民對海怡西商場不要特賣場嘅訊息，但似乎都經過少少波折。

佢話到達大業主位於當地嘅公司時，起初對方一時話不方便，一時又話公司冇人，最後足足等咗三個小時，終獲大業主、該公司總裁李超群接見，當時佢即時轉交超過一千名居民簽名、商戶聯署同報章廣告等表達不滿，之不過雙方會面接近一小時，業主並未作出任何承諾，就話要趕去下一場會議，佢話會爭取今日繼續會面，並會強烈要求業主作出明確表態。

佢又喺社交網站交代會上提出嘅四個訴求，包括海怡半島嘅交通、商場面積等客觀因素，根本唔適合做特賣場等。至於此事今日是否再有進展，大家就要拭目以待啦。