好戲，點會嫌多？東華三院首次舉辦慈善「粵劇月」，請來星級名伶演出多套經典劇目，《梁祝》、《新再世紅梅記》及《南海一號》等，一連五場好戲將於六月中開始上演。日前東華三院一眾董事局成員齊聲號召善長「撲飛」慷慨解囊，為東華三院檔案及歷史文化基金籌款。中國人，重鄉情，新界潮人總會早前舉行新一屆會董就職典禮，城中潮籍名流齊去同鄉親歡聚，潮州話此起彼落，現場氣氛熱鬧。

東華慈善粵劇月
大搞作
東華三院主席施榮恆（左）任內將「加碼」大搞音樂文化活動，熱愛藝術嘅副主席陳祖恒（右） 與前主席李三元都話好期待活動展開。

小粉絲
粵劇名伶蓋鳴暉（左）撐足東華三院多年，認真長情，副主席王賢誌原來係對方粉絲，笑言要擔櫈仔睇好戲。

好啱傾
東華三院總理馮少雲（左）愛上設計自家時裝品牌，鄧明慧就係「鞋業天后」，兩人碰頭，啱傾到極。

快熟落
東華三院新任總理馬清揚（左二）、廖偉麟（右二）好快已融入東華三院大家庭，左一為總理區宇凡，右一為總理蔡榮星。

女強人
東華三院前總理梁煒茵忙於打理家族喺內地嘅生意，早已視深圳為家。

新界潮人總會就職
見世面
博愛醫院永遠顧問潘德明（左）帶埋讀緊大學嘅姪仔Derek去見世面，仲話等姪仔畢業後推薦佢做博愛總理。

叉足電
胡良利珠寶集團主席胡劍江啱啱暢遊台東返港，難怪精神咁飽滿。

同聲氣
中華廠商聯合會副會長吳宏斌（左起）、常務董事方平、香港大學經濟及工商管理學院副院長謝國生都係潮人，夠晒同聲同氣。

打招呼
立法會議員林大輝（左）難得入荃灣，深耕荃灣地區工作嘅仁濟醫院前主席鄭承隆（右）及荃灣區議會副主席鍾偉平齊來打招呼。

第一手消息請下載on.cc東網iPhone/iPad/Android/Windows Phone Apps