SUN搞作：網絡小說：另類款待

睇見黑人總統撩晒牙，作為第一夫人條針嘅國防部長就問：「總統先生，到底日本定菲律賓嘅款待合你心意多啲？」總統心底，其實正盤算如何聯合日菲圍堵強國，國防部長嘅提問就似耳邊風，卻自呢喃道：「小日本嗰邊招式多多，仲識得若即若離吊你癮，真係唔易食！」聽見唔易食又吊你癮嘅國防部長，以為總統趁出訪享受另類款待，即諫道：「總統先生，切記玩得小心啲！」

一副諗樣嘅黑人總統完全沉醉自我思考空間，又再喃喃自語：「菲律賓嗰邊，表面上聽晒你話，乜都肯做，完事之後梗攞凸你，玩多幾劑要分手先得！」唔想再聽落去嘅部長，唯一可以做就係將小報告交畀第一夫人，而總統鬧離婚嘅消息，翌日又再沸揚起來。