高鐵香港段工程有延誤，但政府原來有官員一早知情，只是隱瞞未有交代，政府真係抵打，不過李衞循例要問吓港鐵高層……

李衞：你哋唔能夠如期完成就早響啦！

高層：報告一早講咗，又唔見你鬧政府？

李衞：但你哋之前又賴地硬、又賴黑雨影響進度！

高層：呢啲問題唔多唔少都對工程有影響，不過唔係最主要原因。

李衞：係啦，依家咪知衰在你哋太有自信！

高層：我承認工程團隊係傾向太自信可以追補工期延誤，點知原來唔得啫！

李衞：呢鋪點搞先？工程最少超支34億！

高層：好易搞，你對我哋有冇信心先？

李衞：仲要我畀信心你哋？

高層：洗濕咗個頭，都要埋尾o架，只要撥多幾百億嚟，冇嘢係搞唔掂！幫我同政府講吓啦！

李衞：&#@$@#$!!!!!

第一手消息請下載on.cc東網iPhone/iPad/Android/Windows Phone Apps