政壇：韓風晚宴劇力「星」溫
韓劇《星星》風靡全城，城中名人都玩扮「韓星」湊熱鬧。香港品牌總商會會員朱仲賢（Billy）日前就自掏腰包搞咗個表演晚宴，叫齊好友參與角色扮演，又唱又跳high足一晚。
蔡加頌（左）被太太盧靜賢讚佢眼細細似韓星。
玩具大王蔡志明姪兒蔡加頌（Gary）同太太盧靜賢（Jane）聯袂出席，品牌總商會副會長陳曼芝與鄧乃蔚（Raymond）都有湊熱鬧，並擔任大會評判。
Jane係超級韓劇迷，近期迷上韓星金秀賢，經常煲劇至深宵。Gary話，見太太拎住部平板電腦睇得咁開心，都想煲埋一份，可惜生意超忙，寧願早睡早起。嚟緊Gary一家會去首爾旅行，Jane話老公眼細細，好似金秀賢咁有型喎。
Billy就專登染咗一頭金髮扮韓星，但韓文唱腔一般，勝在舞技搭夠。Billy話，今次晚宴旨在鼓勵有才華嘅年輕人參與台前幕後製作，發揮所長。
