SUN搞作：SUN官場現形記：「垃圾會」
拉布戰啱啱開始，就已經出現流會，飯民同建祭議員互相指摘，好地地一個立法會淪為「垃圾會」，叫人情何以堪？
忘國興︰我行入，你就行出，流會責任梗係飯民承擔！
長毛︰人有三急，行出去「方便」都唔得？唔通學強國人周地解決？
忘國興︰咁都叫理由？
長毛︰學某高官咁講，包容吓啦。
忘國興︰好心你就學吓我哋「日以繼夜，夜以繼日」嘅精神。
長毛︰即係學你哋得把口保皇，但又有啲人唔知去咗邊？
（市民行過搖頭嘆息，仲敲響手上鐘。）
忘國興︰仲敲咩鐘？都流咗會啦！
市民︰我係為立法會敲緊喪鐘……
