城中鏡：孫大倫同細仔慶生敍天倫

好多工會趁住尋日係五一勞動節，上街遊行為打工仔爭取權益，啲老闆看在眼裏唔知有乜感覺呢？咁啱尋日中午就見到中港照相器材主席孫大倫同太太鄧秀英，仲有細仔孫道熙夫婦，一齊現身灣仔某食肆。難得係假期，梗係享受下天倫樂啦！唔單止咁，孫大倫話細仔生日嚟慶祝，在旁嘅孫太仲問候記者：「公眾假期仲要開工咁辛苦！」佢哋逗留咗大約一個鐘後離開，咪睇孫大倫夫婦一把年紀，兩公婆仍然非常恩愛，邊行邊「搭膊攬腰」離開。