話說立法會前日開始展開《撥款條例草案》「拉布」戰，原本班議員以為要留守到夜晚十點鐘先至走得，點知戲劇性流會，下晝四點幾鐘就收得工，無啦啦多咗自由時間，唔知班議員會去邊呢？金融界議員「星爺」吳亮星就最識歎，當晚七點鐘左右，一支公喺跑馬地馬場會所出現。我哋諗住同佢打個招呼啦，點知佢愈行愈快，一個箭步就閃入去會員席。其實當晚星爺已唔使趕返立會開會，咁急唔通約咗好重要嘅人？
吳亮星
