女友自責咩都做唔到
【本報訊】謙仔雖然身為涼果廠太子爺，但人緣好「冇少爺架子」，朋友多多。其友人的facebook群組內有友人慨嘆兩日失去兩名友人，前日悼念完魂斷深水埗大埔道的二十三歲司機蕭漢生，又有袁姓女友人命危、謙仔身亡。謙仔在英國的女友正準備回港見他最後一面，她在fb埋怨自己「咩都做唔到見唔到……」，又激動鬧爆謙仔的友人：「點解？燒乜嘢食呀！」謙仔的朋友紛紛在facebook留言悼念，祈求謙仔一路好走，有好友嘆說：「我哋下世再做兄弟！」
謙仔的女友在fb留言。（互聯網圖片）
友人fb悼念話仲要放孔明燈o架
意外中二十一歲姓袁少女是謙仔的朋友的朋友，袁女的友人亦是前日大埔道死亡車禍死者蕭漢生的朋友，兩日兩宗奪命車禍，令朋友感慨萬分，在網上留言稱「剛悼念完一個，又要悼念另一個，傷心事太多。」而謙仔女友阿Wing情緒崩潰，在facebook鬧爆謙仔友人：「點解？燒乜嘢食呀！做咩要佢咁fd呀！」之後又激動寫道「我好驚。唔洗（使）驚，我陪住你，乖乖啦」，有友人見狀大驚，擔心她做傻事，紛紛慰問及鼓勵她。阿Wing昨晚在網下留下短片稱「我已經冇嘢啦」，着友人放心。
謙仔好友紛紛在facebook換上黑色背景悼念，有好友對謙仔萬般不捨，嘆指：「我哋仲要放孔明燈o架謙仔！唉……」另有好友感到晴天霹靂，難以接受事實：「一瞓醒知道呢個消息 我真係諗都諗唔到……」並祝願謙仔一路好走。
